أعمدة ومقالات

أنسانه . . لايك على الفيسبوك بقلم الدكتوره /رحاب أبوبكر

واحده صاحبتي اتصلت بيا وهي بتصرخ وبتقولي الحقيني خطيبي لقيته عند واحده صاحبتي على الفيسبوك بالصدفه وعمل لها لايك على صورتها هو ازاي يعمل كده احنا لسه كنا خارجين مع بعض امبارح وكنا مبسوطين ازاي يرجع يجري بعدها على الفيسبوك. ويعاكس البنات….
رديت عليها بنيه سليمه وماله حبيبتي فيها ايه يعني اما يعمل لايك؟
قالت لي بتهزري انتي دلوقتي لايك بعد كده كومنت بعد كده رساله بعد كده يخوني معاها.
أنا منهارة قوليلي اعمل ايه من غير ما أقوله اني غيرانه عليها؟
نقطه ومن اول السطر……..
ليه متقوليش انك غيرانه؟
قالت كرامتي
حسيت انها مش فاهمه أن كرامتها انها تحافظ عليه فتقرب مش تبعد
قلتلها بلاش غباوه صاحبيه وصاحبي روحه حتى لو بقالكوا عشرين سنه متجوزين بلاش خنقه الاسئله مين وفين وازاي وليه خليه ييجي يحكي ويفضفض ويحتاج انه يتكلم معاكي قوليله بهزار ايه ده انت عملت لها لايك اومال بعد ما نتجوز هتعمل كومنتات بقه. واضحكي ضحكه تأخده لبعيد. ومن جواه هيفهم انك واخده بالك وغيرانه لكن بتحبي ومش نكديه خلي النكد الحاجات الكبيره…..
عمرك ما هتربطي راجل وتعلقيه في سلسلتك لا بالجواز ولا العيال ال عايز يمشي هيمشي. وال عايز يخون هيخون…… حبيه وصاحبيه هيرجعلك ودائما هيكون عاوز يحكي معاكي ويفضفضلك انتي وبس……
افردي بوزك واسعديه هتكسبيه……. ‘

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى