أعمدة ومقالاتالمزيد

اجهاض الأخر

بقلم : وسام خاطر

الإجهاض جريمة قتل في كل الأديان السماوية وكل التشريعات والقوانين الدولية؛ ولكن ليس كل إجهاض هو إجهاض طبي أي قتل جنين داخل رحم أمرأة ، إنما يوجد إجهاض أخر وهو “قتل كل جميل بداخلنا أو تراه أعيننا”.

ممكن تقول وتعترف كام مرة إجهضت حلم جواك كان ممكن يكمل ويعيش وتشوفه متحقق. ليه مابنفكرش بشكل إيجابي ونقول يمكن يكون فيه خير ويمكن يكون هو ده الأمل. أوقات المشاعر بتضلل صاحبها من كتر ماهو خايف وبيحاول ياخد باله ومش عاوز يغلط. كتر الحذر أوقات بيموت. بيكون دافع البلاء.

من كثرة ما الانسان مش حابب يغلط بيغلط وبيلاقي نفسه محاط بمشاكل وعقد وتعب وحزن وملل. بيصاب بإكتئاب وبيدخل في دايره ملهاش مخرج وبتفضل الهواجز محوطاه ياتري ياهل تري. وأسئلة كتير بيحاول يلاقي ليها أجابة بس للأسف مش بيلاقي الأجابة عارفين ليه لانه سأل الأسئلة في وقت غير وقتها.

حاولي تكبروا أحلامكم وبلاش تجهضوها. أصل الإجهاض جريمة قتل. وماعتقدش أن في حد حابب يتعرض للسؤال من ضميره ويتم وضعه في خانة الأتهام أنك قتلت حلم كان من الممكن أنه يعيش ويكبر ويتحقق وأحتمال كبير يكون سر سعادتك.

أوقات الأحلام بتكون صعب علي أصحابها أنهم يصدقوها ويقتنعوا أنهم ممكن يوصلولها ويحققوها. بس كمان كل بذرة بنسقيها بتكبر وكل طفل بنرعاه بيكبر وكل فكرة بنشتغل عليها بتطور وبتنجح. حاول تكتشف ذاتك. دور جوه أعماقك. أمسك بإيدك أول خيط حلم وتبت فيه أياك تتخلى عنه. كفاية فكرة الحلم ده مش علي قدي مش قد إمكانياتي أنا مش هاقدر أحققه أصل ماعنديش.

ربنا خلقنا مانعرفش حاجة ولا بنفهم في أي حاجة. بس طول الوقت بنتعلم وبنطور قدرتنا. شوف مثلاً أخدت وقت أد إيه علشان تعرف تمشي لوحدك وتاكل لوحدك وتقرأ وتلبس وألخ. أكيد أخدت وقت كتير مع العلم أنك كنت صغير وإمكانياتك محدودة وتفكيرك علي قده. محال دلوقتي أيه رأيك في نفسك تقدر تحقق أحلامك ولا هاتكون سبب في موتها.

وهاتتحمل ذنب جريمة إجهاض فكرة وحلم كانوا ممكن يغيروا طريق حياتك للأفضل. أسعي وفكر ورتب أولويات حياتك. شوف أي حلم تقدر تشتغل عليه وتنميه. أقف أودام نفسك وأتحدي ضعفها. أمسك أيد روحك وقويها بيك. نظم عقلك وسكن كل معلومة في دور يليق بيها وتنفعك في تطوير ذاتك. ولا أنت ضعيف

لو حاسس أنك ضعيف تبقي حاجة تانية. وضعيف ليه أيه اللي ناقصك مفيش حد فينا ضعيف كل واحد ربنا خلقه عند نقطة قوة مش عند غيرة. علشان كده كلنا بنكمل بعض. البشر زي المغناطيس لازم يتجمع علشان يكون قوي. لوحدة ضعيف. أشتغل علي نفسك وطور ذاتك.

هتلاقي أبواب كتير أتفتحت ليك ونفسها تسعدك. وبلاش تحس بالكسرة وتقول مانا عمال أعافر بس مش لاقي فرصة. فرصتك أنت اللي بتخلقها. علي فكرة في وسط الصخر بتلاقي زرعة وكمان ميه. يغني مفيش مستحيل…

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى