أعمدة ومقالات

الدكتوره رحاب أبوبكر تكتب . . الفيوم بين الواقع والمأمول

اجتمع اثني عشر نائب من محافظة واحده ووقعوا علي مذكرة للعرض علي السيد وزير النقل والمواصلات ليس لتخفيض سعر تذكرة المترو او لتوفير وسائل مواصلات حديثة لنقل الطلبه والعمال للمحافظات المختلفه بأسعار مخفضه
اجتمعوا ووقعوا علي مذكرة لإنشاء جراج ومول تجاري ومجمع سينمائي
تحت مبادرة تبنتها نقابة المهندسين العريقه بإسم
الفيوم كما يجب ان تكون


هل تم حل جميع مشكلات المحافظه من صحه وتعليم وطرق وري وكهرباء ومياه شرب ملوثه عشان الساده النواب الأفاضل يتقدموا بالمبادره دي
لو اجتمعوا أثني عشر نائب علي مذكره لتطوير الصحه
لو اجتمعوا علي مذكرة عرض لتطوير التعليم وإنشاء مجمع مدارس حكومي محترم
لو اجتمعوا علي مذكرة عرض لتجديد خطوط مياه الشرب المتهالكة الي مخطلته تحت الارض بخطوط الصرف الصحي
لو اجتمعوا علي مذكرة عرض لتطوير شبكة طرق الفيوم المتهالكه
لو اجتمعوا علي اي شيء من الي فات وغيره كتير فعلا
الفيوم _هتبقي_كما_يجب_أن_تكون
لما توصل الفيوم لمستوي التجمع الخامس من الرقي والفئه السكانية الراقيه ابقوا اعملولنا جراج ومول تجاري ومجمع سينمات
الناس فاضلها شويه وتركب حمير اعملوا مربط حمير ع السواقي
الناس مش لاقيه تاكل عشان تشتري من مولات
الناس مش طايقه نفسها عشان تدخل سينما
المحافظات التانية بيتفتح فيها مصانع ومشروعات خدميه عملاقه وإحنا ماشاء الله مشاريعنا الخاصه بتخرب بسبب التهميش وعدم اهتمام الدوله بمحافظتنا
رجاء خاص من الساده النواب لو عايزين الفيوم كما يجب أن تكون انزلوا من الأبراج العاجيه وشوفوا الشعب محتاج ايه
المذكرة المقدمه للسيد وزير النقل اثبتت للشعب الفيومي أنكم تقدروا تتجمعوا كلكم علي قلب رجل واحد ياريت بقي الرجل ده يبقي صالح ويفيد البلد عشان خلاص وصلنا لمرحله بقينا فرجه للمحافظات المجاورة

عن شكوى مقدمه من مواطن مصري (محمد عبد العال موسى)

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى