أدب وثقافة

الشاعر – أشرف عبدالكريم يكتب : 3 درجات

3 درجات وسلمتين
وناس نازلة وناس بروحين
وناس عايشة ومبسوطة
وناس في الهم محطوطة
وناس ليلها ياعيني نهار
ومش فارقة هتصرف كام
ومش حاسة بناس تانية
رزق حياتها عالرحمن
دي عيشة تغم عايشينها
وصرخة أم حاسنها
وبكرة المايلة نعديلها
بقاعدة جميلة على المية
بتقييلة في عصرية
بضحكاية وراحة بال
بشغلانة تسر الحال
عليا النعمة أنا غلطان
قبلت أعيش في ساقية جبان
وقولت أعيش وأكل عيش
بقيت ميت ومش دريان

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى