حوادث وقضايامصر

بالصور . . تعرف على حقيقة خطف بنت راكبة موتوسيكل بين شابين في إسكندرية

متابعة _ياسر شوقي

 بوست منتشر بشكل كبير جدًا  على مواقع  التواصل الاجتماعى وتنقلتة الكثير من المواقع الكبرى بيتكلم على بنت راكبة موتوسيكل بين شابين في إسكندرية وبيقول إنها متخدرة وشاب اسمه محمد سعيد كسر بعربيته عليهم عشان شك إن البنت مخطوفة، وتم القبض على الشابين بمعاونة أمين شرطة، و”البنت اللى كانت متخدرة ومخطوفة على موتوسيكل فى اسكندرية اسمها رضا الفولى من الزقازيق محافظة الشرقية وفى ثانوية عامة ومتبلغ عن اختفائها”

– الكلام ده غير صحيح. دي قصة مفبركة. البنت اللي كانت راكبة على الموتسكل تبقى أخت الشابين اللي راكبه معاهم. الشابين عملوا فيديو مع أختهم وضحوا فيه حقيقة القصة.

– أحد الشباب اللي ظاهر في الصورة نشر الفيديو على صفحته في فيسبوك، وقال إن أخته عندها إعاقة بسيطة (ده واضح للي بيشوف الفيديو)، وميقدروش يسيبوها تركب وراهم لوحدها عشان كده بيركبوها في النص بينهم حفاظًا عليها.

– كمان الشاب نفى صحة الكلام المنشور في البوست، وقال محدش كسر عليا بعربية ولا في أمين شرطة قبض عليا ولا أي حاجة وكل دي قصة خيالية اتعملت عشان صاحبها يتشهر. وكمان نشروا صور واحدة تانية على إنها أختهم.

– محمد سعيد اللي اتقال إنه بطل القصة دي ظهر على قناة “الحدث اليوم” وحكى نفس القصة وإنه تدخل مع أمين شرطة وقبضوا على الشابين ولقوا البنت فعلًا متخدرة،

وبعدين بعد الشباين طلعوا حكوا القصة وجنبهم أختهم، محمد سعيد نزل بوست تراجع فيه عن قصته من التزنيق على الشباب والقبض عليهم وإن البنت طلعت متخدرة، وقال إنه عمل اللي عليه وبلغ أمين شرطة ومشي في ساعتها عشان شغله.

صاحب واقعة "فتاة الموتوسيكل": تحرير محضر ضد مفبرك القصة

 

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى