حوارات وتحقيقات

حوار خاص مع ” دلال الخميسي ” المبدعة في العزف والتمثيل والتي دائماً تسعي للرقي في تطوير العزف والمزيكا

حوار - عمر آدم

س : ممكن تكلمينا عن إسمك وحياتك ؟؟
ج : دلال الخميسي ٣٣ سنة إتولدت في روسيا وجيت مصر وأنا عندي 7 سنين وأنا من عائلة فنية .

س : ما هي المدارس التي التحقتي بها ؟؟
ج : دخلت المدرسه الموسيقية في مصر والكونسرفتوار وهي مدرسه ثانوية عامة وثانوية موسيقية .

س: هل أهلك كان موافقين علي الفن ؟؟
ج : طبعا موافقين لأن كلهم فنانين أصلا .

س : هل دراستك ليها علاقة بشغلك ؟؟ 
ج : دراستي طبعا ليها علاقة بمجال شغلي .

س : أيه أكتر موقف أثر عليكي في حياتك ؟؟
ج : كل حاجة بتحصل في حياتك بتاثر عليك في مواقف كتيرة مؤثره وناس كتيرة عزيزة عليا توفاها الله وحاجات تانيه مقدرش اقول موقف مؤثر واحد .

س : ما هي الورش الي أخدتيها ؟؟
ج : أخدت ورش كتيره جدأ منها ورشة أستاذة مروة جبريل وورشة مع الفنان محمد عادل وورشة ليجند وحالياً ورشة أستاذ خالد جلال اللي طبعا كنت بحلم أدخلها .

س : ما هو هدفك ؟؟
ج : نفسي أوصل بعزفي او بتمثيلي نفسي وشخصيتي وهوياتي .

س : ايه خطواتك الجاية في شغلك ؟؟
ج : بنحضر حاليا مع أستاذ خالد جلال لأول عرض لينا للجمهور أن شاء الله وهو عرض سينما مصر .

ربما تحتوي الصورة على: ‏‏شخص واحد‏، و‏‏‏وقوف‏ و‏نص‏‏‏‏

س : ما هي أهم أعمالك ؟؟
ج : شاركت مع مطربين ذي وائل جسار في أغنيه نخبي ليه، ومع رامي عياش في فيلمة ، وشاهيناز في أغنيه كده خطر ، وشاركت كمان في مسلسلات كعازفة ، زي مسلسل سرايا عابدين والعهد ، ومسلسل قلوب ، وشطرنج ، وحاجات تانية وشاركت في افتتاح مهرجان المسرح التجريبي من ضمن مجموعة أستاذ خالد جلال مركز الإبداع الفني .

س : هل إشتغلتي مذيعة قبل كدة ؟؟
ج : أيوة برنامج ” لغات العالم ” علي قناة ” النيل التعليمية ” بالتلفزيون المصري ، وواحده صديقتي عرضت عليا إني أجي أعمل مقابلة في قناة القاهرة والناس عند أستاذ طارق نور .

ربما تحتوي الصورة على: ‏‏‏٥‏ أشخاص‏، و‏‏أشخاص يبتسمون‏، و‏‏أشخاص يقفون‏‏‏‏

س : مين اللي ساعدك أثناء عملك الفني ؟؟
ج : ماما اكتر حد وقف جمبي في حياتي عمومأ .

س : ما هي المسابقات التي شاركتي فيها ؟؟
ج : مسابقه برنامج نفسنة جوت تالنت واتعرضت رمضان ٢٠١٦ و فعلاً دخلت المسابقة وكسبت الحمد الله والمسابقة بين ٣٠ بنت وعرضت كذا حلقة في الموسم القاني لبرنامج 
” نفسنه ” وبعديها الناس نصحوني إني أخد كورس أذاعة في أونا أكاديمي .

ربما تحتوي الصورة على: ‏‏‏٣‏ أشخاص‏، و‏‏أشخاص يبتسمون‏، و‏‏أشخاص يقفون‏‏‏‏

س : ايه النصيحة اللي تحبي تقوليها لكل اللي نفسهم يشتغلوا في المجال ده ؟؟
ج : أي حد عايز بمثل او يعزف لازم يشتغل كتير علي نفسه عشان لما الفرصة بتيجي تكون ديما جاهز لأن الفرصة مبتجيش كتير وأهم حاجة الصبر وعدم اليأس وخصوصآ في مجال الفن .

بشكرك جداً يا دلال علي الحوار الجميل ده وبتمنالك التوفيق دايما إن شاء الله 

ربما تحتوي الصورة على: ‏‏‏‏شخص أو أكثر‏، و‏أشخاص يقفون‏‏ و‏نشاطات في أماكن مفتوحة‏‏‏

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى