حوارات وتحقيقات

حوار خاص و شيق مع ” نهلة سامي” موديل التصوير الجميلة التي لها ستايل خاص في مجالها .

حوار - عمر آدم / إعداد صحفي - سلمي الشافعي

 في البداية عرفينا بنفسك؟؟
 نهلة سامي عبد الجواد، 19 سنة، في أولى حقوق عين شمس، أتولدت في القاهرة و عايشة في ألف مسكن .

 كلمينا أكتر عن حياتك؟؟
 حياتي طبعا حصل فيها مواقف كتيرة بس هختصر و أقول أني أتعلمت حاجات كتيرة من التجارب اللي مريت بيها .

 أيه هي قصة حياتك من أول ما بدأتي في المجال ده لحد دلوقتي؟؟
 من أول ما بدأت في المجال أنا بصراحة أهلي كانوا في الأول معترضين بس لما عرفوا أنها موهبة عندي و أنا مصممة عليها فا ساعدوني بصراحة و خصوصا ماما و أختي كانوا جنبي جدا و أبتديت الموضوع بس في الأول كان في إنتقاضات و كده بس عرفت مثلا الحاجة اللي الناس بتنتقضني عليها معملهاش بحيث أني أعمل حاجة تعجبهم و أهم حاجة عندي حب الناس ليا و أني أفيدهم و الفترة الجاية في حاجات كتيرة أنا محضراها بتعبر عن حياتنا دلوقتي و كده أتمنى أن هي تعجبهم و دلوقتي الحمدلله بقيت أحس أني بحقق اللي كان نفسي فيه و طبعا بدعم أهلي و الناس ليا و مساعدتهم فا يشكر أي حد وقف جنبي و حاليا أنا ماشية في طريقي و مكملة و ربنا يوفقني.
من أول ما بدأت في المجال كنت في الأول بنزل سيشنات عادي بعد كده لقيت كذا حد بيطلبني أكون موديل و كده بس أنا كنت برفض الصراحة بعد كده لقيت فوتوغرافر كتير جدا بيكلموني عشان ينزلوا معايا تصوير فا كان في ناس معينة يوافق عليها على حسب شغلهم بعد كده الناس بقت تحب صوري جدا و الإستايل بتاعي و بقى الكل يسألني عن هدومي بجيبها منين و كده و بعد كده بقى يعجبهم الميك اب بتاعي بس أنا مش بنزل مع ميك اب أرتيست أنا بحط الميك اب لنفسي و بقيت بفيد البنات بحاجات كتيرة و بقيت بعمل فيديوهات عجبت الناس و بقت البيدچ بتاعتي عبارة عن سيشن و فيديوهات و الحمدلله مفيش إنتقاض عليا غير كان في الأول بس بسبب أني كنت عامله فيديو مع أحمد حسن الناس أنتقضتني عليه حتى أهلي بس دي الحاجة الوحيدة اللي إتهاجمت عليها بعد كده بقيت مع نفسي و الحمدلله ناس كتير بتطلبني أعمل فيديوهات معاها و أني أنزل سيشنات و بقى كل حاجة الحمدلله متسهله معايا و الأبواب كلها متفتحة قدامي و طبعا أنا الفترة الجاية هعمل حاجات تفيد الناس و بس يعني بقيت متخصصة مع نفسي بعمل كل حاجة لوحدي و بيبقى مطلوب مني أنزل موديل لمجلة معينة بس مكنتش حابه الموضوع فا بحب أبقى إستايلي أنا الخاص بس .

ربما تحتوي الصورة على: ‏شخص واحد‏

 هل أهلك كانوا موافقين على دخولك المجال ده؟؟
 أهلي في الأول كانوا معارضين بس لما لاقوها موهبة عندي فوافقوا عليها .

 أيه ردود أفعال الناس و ردود أفعال أهلك على شغلك؟؟
 ردود أفعال الناس كانت في الأول شوية إنتقاضات حتى من أهلي بس بعد كده خدت على الموضوع خلاص .

 أيه أكتر موقف أثر عليكي في حياتك؟؟
 في مواقف كتير طبعا أثرت في حياتي و أكتر حاجة وفاة أصحابي الكتير في السنة دي .

لو الزمن رجع بيكي أيه الحاجه اللي هتعمليها و أيه الحاجة اللي مش هتعمليها؟؟
 الحاجة اللي هعملها بجد أني أختار الناس اللي هتبقى في حياتي و مش أي حد أثق فيه .

 أيه الهدف أو الفكرة اللي حابه توصليها من خلال شغلك؟؟
 الموضوع بالنسبالي مش هدف الموضوع عندي موهبة و حب المجال ده و في نفس الوقت أتمنى أني أعمل حاجة تفيد الناس .

ربما تحتوي الصورة على: ‏‏شخص واحد‏، و‏‏يبتسم‏، و‏‏نشاطات في أماكن مفتوحة‏‏‏‏

 أيه هي خطواتك الجاية في حياتك؟؟
 خطواتي الجاية أن شاء الله أعمل حاجات تعجب الناس و أفيدهم و تبقى مواقف معية عن الحياة .

 في النهاية تحبي تنصحي البنات اللي نفسها تدخل المجال ده بإيه؟؟
 أحب أنصحها أن هي تدخل المجال عادي لو حابه أوي هتعرف تتعامل معاه و تبقى عارفه أن في الأول ممكن ناس تهاجمها بس تستحمل حاجات زي كده و أن هي تعمل حاجة ترضي نفسها قبل ما ترضي الناس و تكون مقتنعة باللي بتعمله لكن لو مش هتكون قدها ترجع أحسن لأن ممكن متستحملش إنتقاضات الناس .

بنشكرك جدا على حوارك الجميل ده و من نجاح لنجاح دايما ان شاء الله 💙

ربما تحتوي الصورة على: ‏‏شخص واحد‏، و‏‏يبتسم‏، و‏‏‏قبعة‏ و‏لقطة قريبة‏‏‏‏‏

 

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى