المزيدصحافة المواطن

رباعيات

للشاعر :- محمد مصطفى أمين

البنت زي القمر
و الولد شربات
و القلب ليه إنجبر
يصحى حزين و يبات
و الضحكه صوتها إنحشر
ماتت من الأنات
……
يا نن عين البنت
يا نبض قلب الواد
يا دمعه نزلت كبت
حلفت خلاص ما تبات
أنت يا حب بجد
و اللا كلام حكايات
…….
ضحك و ضحكت كتير
دمع و بكيت بحرين
و حبيبي كان بيطير
في سمايا لو أكون فين
لية الليالي تدور
و ما أعرفش أجيبه منين
………
ليه يا ليالي إحنا
طول عمرنا خايفين
من بكره يجرحنا
و نعيش بكاه و أنين
الأمس كان بدموع
و بكره هيجي حزين.

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى