حوارات وتحقيقات

عمر آدم في حوار خاص مع ” دينا سمير ” مدربة السباحة الجميلة والموديل ؛ التي دائماً تطلع للمراكز الأولي في حياتها وشغلها

حوار - عمر آدم

عمر : في البداية عرفينا بنفسك ؟؟
دينا : إسمي دينا سمير الجزار ، السن ٢٢ سنة ، كلية فنون تطبيقية جامعه بنها ، اتولدت في طنطا وعايشة في أكتوبر معظم الأوقات .

عمر : كلمينا عنك أكتر ؟؟
دينا : بحب أنزل الجيم و أتعرف علي ناس جديدة بحب أطور من نفسي و بحب السفر جداً جداً وهوايتي السباحة لحد ما بقيت مدربه سباحة ، وبحب الرسم و الفاشون جداً وحلمي أبقي مصممه أزياء عالمية .

عمر : لو الزمن يرجع بيكي لورا هتعملي إي أو مش هتعملي إي ؟؟
دينا : لو زمن يرجع بيا لورا كونت ههتم شوية بي حياتي وبالغات كتير و أشتغل علي نفسي أكتر ومش كونت هدخل ناس حياتي وكونت ههتم بالناس اللي بتحبني أكتر و أفرحهم زي ما كان سبب في فرحتي ونجاحي دلوقتي .

عمر : إية هدفك ؟؟
دينا : هدفي إني أنجح في دراستي وشغلي و أطمح للوصول للعالمية في مجال دراستي وأكون علاقات تبقي جزء من شغلي .

عمر : كلميني أكتر عن مجالك في السباحة ؟؟
دينا : أولا أنا كونت بدرب سباحة من و أنا عندي ٥ سنين كونت طبعا بجينر وبعدين بدأت والدتي تطور في الموضوع لحد ما اخدت star 1 و star 2 و star 3 وبدأت بعدها في مستوي براعم ومع دخول بطولات وبدأت أخد في فريق إستاد طنطا و أخدت أول بريست وتاني حره جهموري وبعدها والدتي تعبت وقعدت سنه ونص من سباحة ورجعت تاني بس أخدت كورسات إعداد معلم وإنقاذ وبعدها أشتغلت في مجال التدريب بحكم خبرتي في السباحة و إشتغلت في إستاد طنطا وسيتي سبورت والرواد ونادي طنطا قعدت ٥ سنين أشتغل في طنطا لحد ما بدأت أطور من نفسي و أشتغل علي نفسي أكتر و إشتغلت في نادي الأهلي فرع شيخ زايد مدربه و إنقاذ و إشتغلت في نادي نقابة المهندسين ونادي أكتوبر ونادي الإعلاميين ونادي الجزيرة .

عمر : أهلك كانو موافقين علي دخولك المجال ده ؟؟
دينا : أهلي طول الوقت معايا وجنبي وبيشجعوني وواقفين جنبي ووثقين في موهبتي ودايما هما الحافز ليا وفي كل خطوه ليا هما دائماً جنبي وخصوصا أمي ليها دور كبير في حياتي هي السبب لوصلي الي أنا فيه دلوقتي في السباحة ودراستي وموديل ويعتبر هي سبب نجاحي ومن غيرها مكونتش أنا جيت وانا بالنسبه لأمي أنا نجاحها وطموحها ويعتبر انا أحلامها اللي حققتها ولسه بتحققها .

عمر : كلمني أكتر عن شغلك في الموديل ؟؟
دينا : بدأت من ٢٠١٤ بس حابه التصوير ونزلت ٣ سيشنات وكونت حابه أكمل و أبقي موديل بس ركزت في دراستي أكتر وسبت مشوار الموديل ورجعت في أول سنه في دخولي الجامعة أصحابي أخدوني موديل في ديزينر في مشاريع التخرج في الجامعة ونزلت عملت كام سيشن بكذا حد من أصحابي غير أصحابي اللي ف الجامعة الفوتوغرافر عملت معاهم سيشنات وكملت في المجال ؛ نزلت إعلان بيتكلم عن مراحل حياة البنت و تتعرض عليا شغل في براند بس رفضت نوع الشغل ونزلت مع ميكب أرتست كتير ؛ ومنهم
Donia Abonar Make up
ودي من أشطر Make up وبتحب شغلها كتير وروحها حلوه وأكتر شخصية بحب أتعامل معاها في شغلي و إشتغلت الأشر في ايفينتات ومعارض وإعلانات ودعايا وطبعا حلمي أبقي مصممه أزياء عالمية بأذن الله وبشتغل علي نفسي أكتر .

عمر : في النهاية إي ردود أفعال الناس ؟؟
دينا : كل أصحابي شجعوني وأهلي دايما شايفني إني هوصل لحلمي وواثقين في نجاحي .

بنشكرك يا دينا علي الحوار الجميل ده وربنا يوفقك وتحققي كل الي نفسك فيه يااارب ❤

 

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى