حوارات وتحقيقات

عمر آدم في حوار خاص مع ” رنا عصام ” الموديل الشابة الصاعدة ، التي لها زوق خاص في إستايلها وتتحدي جميع الصعوبات لتحقيق حلمها

حوار - عمر آدم

عمر : في البداية عرفينا بنفسك ؟؟
رنا : إسمي رنا عصام سني ٢١ سنة ، بدرس في المعهد العالي للحسابات والتكنولوجيا ، اتولدت في إسكندرية
وعايشة بردوا في إسكندرية .

عمر : مين هيا رنا ؟؟ 
رنا : رنا عصام موديل مبتدأه لسه في الأول بحب الفاشون جداً بحب أتصور أوي بحب إني أكون مختلفة بقالي سنة كدة بتعب عشان أوصل للي بحلم بيه  وانشاء الله هوصل .

 

عمر : إي أكتر موقف مؤثر في حياتك ؟؟ 
رنا : شخصيات أنا كنت بحبها جداً كانت ديماً بتقلل مني .

عمر : الزمن لو رجع بيكي لورا إي الحاجة الي هتعمليها والحاجة الي مش هتعمليها ؟؟ 
رنا : الحاجة الي هعملها هيا إني مكونتش هبص لأي حد بيحاول ينتقدني وبيحاول يقلل مني كنت هفضل واثقة في نفسي ، الحاجة الي مش هعملها مكونتش هثق في حد أبداً ومكونتش هفكر إني أرتبط أو أحب من الأساس .

عمر : هل اهلك كانوا موافقين انك تدخلي المجال دة ولا لا ؟؟
رنا : ماما كانت حابه الموضوع جداً ووقفت جمبي ولحد دلوقتي واقفة جمبي أوي وديما باخد رأيها في كل حاجة بعملها ، لكن بابا بقا في الاول مكنش حابب الموضوع خالص وحصلت مشاكل كتير بسبب كدة بس بعد كدة أنا حاولت إني اقنعه وماما بردوا ساعدتني .

عمر : إيه ردود أفعال الناس وردود أفعال أهلك علي شغلك ؟؟
رنا : ردود أفعال الناس كان فيه الحلو وكان فيه الوحش ؛ فيه ناس كانت بتقعد تقولي إنتي بجد جميلة جداً وكانوا بيقعدوا يشجعوني أوي ، وفيه ناس كانت بتحاول تخليني أكره المجال وأبعد عنه ، ردود أفعال أهلي ماما حابة الموضوع جداً ومبسوطة أوي وبتساعدني كتير أوي وواقفة جمبي ، بابا في الأول مكنش حابب لكن دلوقتي الحمد لله واقف جمبي وبردوا بيشجعني .

عمر : إيه النصيحة الي حابه توجهيها لكل بنت نفسها تكون فاشون ؟؟
رنا : إن كل بنت تبقا واثقة في نفسها متحاولش تخلي حد يقلل منها أبداً تحاول تبقا مختلفة تحاول متسمعش باي حد وتبقا واثقة إنها هتوصل في يوم من الأيام للحلم بتاعها .

عمر : إيه خطواتك الجاية في المجال بتاعك ؟؟
رنا : إنشاء هبدأ أخد كورس فاشون وهتهم أكتر بالفاشون وهحاول أغير من نفسي .

عمر : إيه الهدف او الفكرة الي عايزة توصليها من خلال شغلك ؟؟ 
رنا : الفكرة إن أي بنت تقدر تعمل كل حاجة مفيش حاجة إسمها مش هعرف وكمان عايزة أوصل للبنات فكرة التغير و الإختلاف كل ما البنت تكون مختلفة كل ما هتكون أحلي و أحلي .

عمر : إحكيلي من أول مابدأتي في مجال الفاشون لحد دلوقتي ؟؟ 
رنا : أنا بدأت من سنة كنت حابة الفاشون جداً وكنت حابه فكرة إني ابقا موديل و إني تساعد البنات وكدة 
بدأت أنزل أتصور وكل سيشن حبيت أغير فيه شوية طبعا كان بيتقالي كلام كتييير جداً وكلام كتير أوي كان بيحبطني ، لكن واحدة واحدة بدأت مسمعش لأي حد حد بيتكلم وبدأت أبص لنفسي و أغير من نفسي شوية فعلاً عملت كدة لحد مابدأت أظهر شوية والحمد لله دلوقتي مبسوطة من نفسي جداً و إنشاء الله مكمله .

بنشكرك يا رنا علي الحوار الجميل ده وربنا يوفقك وتحققي كل الي نفسك فيه يااارب 

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى