الفنمصر

عمر آدم في حوار خاص مع ” سلمي إلهامي ” الفيديو بلوجر ؛ التي لها ظهور خاص في عالم الفيديوهات بمساعدة زوجها  ” لأنباء اليوم المصرية “

حوار - عمر آدم /  إعداد - حبيبه أبو العينين

عمر : كلمينا عن نفسك ؟؟
سلمى : سلمى إلهامى محمد ، سنى ٢٦ سنة و متخرجة من آداب إعلام عين شمس قسم صحافة و اتولدت فى القاهرة فى حدائق القبه و عايشه دلوقتى فى العبور مع زوجى ، وبشتغل دلوقتى فى شركه الأهلى للتنمية العقارية .

عمر : إيه موهبتك على السوشيال ميديا ؟؟
سلمى : متجوزة من باسم محمد وبنعمل فيديوهات على السوشيال ميديا .

عمر : أكثر موقف مؤثر في حياتك ؟؟؟
سلمى : إن ربنا بعتلى باسم فى أكتر وقت كنت متأثره نفسيا فيه .

عمر : لو الزمن رجع بيكى إيه اللى كنتي هتعمليه ؟؟
سلمى : كنت قطع علاقتي بناس كتير كانوا فى حياتى ، واللى مش هعمله إنى مش أزعل بابا وماما و انى ندمانه انى كنت صغيرة ومش فاهمه إنى بضايقهم بتصرفاتى ربنا يخليهم ليا .

عمر : و إيه رد فعل اهلك ؟؟
سلمى : كانو موافقين علشان جوزى كان معايا ومش لوحدى علشان لو حصلى حاجة وحشه مش هبقى لوحدى وهو هيبقى فى ظهرى .

عمر : ردود أفعال الناس إيه ؟؟
سلمى : عمرى ما كنت أتخيل و اتصدمت لما شفت كمية الناس اللى بتحبنا وبتدعيلنا وتقريبا كانت نسبه الكومنتات السلبيه 1% .

عمر : إيه الهدف اللى انتى عايزة توصليه للناس ؟؟
سلمى : إنى أصحح فكره الجواز والمتجوزين فى مصر و إن هما مش دايما بيكونو عايشين فى نكد و خناق وإن ممكن يبسطوا نفسهم بأقل حاجة .

عمر : إيه خطواتك اللى جايه ؟؟ 
سلمى : أننا نبتدى نعمل فيديوهات هادفه ونتكلم فيها عن مواضيع يختاروها الناس عشان نقدر نفيدهم بحاجة كويسة .

عمر : أكتر حد وقف جنبك ؟؟
سلمى : أهلى وجوزى .

عمر : و إيه حياتكم من أول ما بدأتو ؟؟
سلمى : إن أول فيديو انتشر لينا هو كان قاسى قاسى وده ماكنش قصدنا من الشهره إحنا كنا بنتسلى ولا كأن قصدنا نوصل لكل ده وخصوصا إن احنا عندنا شغلنا وبيتنا وحياتنا مع بعض بس هى جات كده من عند ربنا حب الناس نعمه من عنده ومن بعدها وبقى أهم حاجة فى حياتنا اننا نبسط الناس اللى بتحبنا ونفرحهم زى ما بيفرحونا .

اللى هدفها فى حياتها انها توصل رسالة لكل شخص متجوز وتحبب الناس فى بعض ، الشخصيه الجميلة أم قلب أبيض 

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى