حوارات وتحقيقات

عمر آدم في حوار خاص مع شاهندة سعيد الفيديو بلوجر والموديل التي حققت شهرة واسعة في عالم الفيديوهات في مصر 

حوار - عمر آدم

عمر : في البداية عرفينا بنفسك ؟؟ 
شاهندة : شاهندة سعيد ، عندي ١٨ سنة ، اتولدت في القاهرة و عايشة في المعادي ، في 3 ثانوي .

عمر : إي أكتر موقف مؤثر في حياتك ؟؟ 
شاهندة : أكتر موقف أثر فيا موت جدتي .

عمر : لو الزمن يرجع بيكي لورا هتعملي إي أو مش هتعملي إي ؟؟ 
شاهندة : لو رجع بيا الزمن حاجات كتير هختار إنها متحصلش زي مثلا في أشخاص مش هدخلهم حياتي ده لو رجع بيا الزمن يعني .

عمر : هل أهلك كانو موافقين إنك تدخلي المجال ده ؟؟ 
شاهندة : أهلي كانو بيشجعوني في موضوع الفيديوهات و مامتي كانت بتحبهم جداً و بابا كمان كان بيحب فديوهاتي و بيساعدني فيهم .

عمر : إي ردود أفعال الناس ؟؟
شاهندة : في الأول متوقعتش إني هلاقي إستجواب من الناس بسرعة كدة و ردود أفعالهم حلوة جدا و ده الي خلاني أكمل في ناس ردود أفعالهم مش حلوة بس أثر عليا في الأول وبعدين قلت مش هيفرق و كملت .

عمر : إي الهدف من الفيديوهات الي بتعمليها ؟؟

شاهندة : الهدف من فديوهاتي ترفيه و إني أشوف ناس بتضحك و مبسوطة ده بيبسطني جداً .

عمر : إي خطواتك الي جيه ؟؟ 
شاهندة : خطوات الي جيه إنشاء الله تمثيل بس مش دلوقتي بعد دراستي حاجة ترفيه كدة لكن مش هحطها أساس في حياتي و الفديوهات كان غرض منها تسليه و ترفيه و ضحك و كمان بحب التمثيل جداً .

عمر : بدأتي إزاي في مجال الفيديوهات ؟؟ 
شاهندة : أول ما بدات الفيديوهات كانت في ٢٠١٥ كنت بعمل فيديوهات عادية جداً مكنتش حطا في دماغي أي حاجة كا نوع من ترفيه و أصحابي كانو بيشجعوني و بعدين وقفت فيديوهات و رجعتلي في أواخر رمضان الي فات أول فيديو نزلتو عادي لقيتو أتشهر جدا و الفنان ” محمد رمضان ” نزلو في الكليب بتاعه و في الإستوري و كذا أكونت نزلوه بس الي خلاني أمسح الفيديو إني لما pages نزلتو قريت كومنتات ضايقتني

بس قلت أنا لو مشيت ورا كلام الناس هخسر فل ابتديت أعمل فيديوهات أكتر و أكتر و أنزل و في استجابة حلوة جداً مع إني كنت بي إمكانيات قليلة جداً مفيش إضاءة مناسبة و كمان موبيلي كان بايظ جداً و مع ذالك كملت و معظم الفيديوهات نجحت ، و بعد كدة فضلت أتعلم حاجات جديدة في الفيديوهات

لحد ما بيقت بقدر أعمل اي فيديو أنا عايزاه و جاتلي كذا فرصة تمثيل بس صعب عشان دراستي ؛ و بعد كدة قلت مش هستفاد حاجة من فيديوهات أنا كدة كدة عملت كتير فا بطلت عشان ظروف عندي و أهلي إضايقو إني بطلت فيديوهات و رجعت أعمل تاني بس مش بنفس الإهتمام زي الأول .

بنشكرك يا شاهندة علي الحوار الجميل ده وربنا يوفقك وتحققي كل الي نفسك فيه يااارب 

ربما تحتوي الصورة على: ‏‏شخص واحد‏، و‏‏لقطة قريبة‏‏‏

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى