حوارات وتحقيقات

عمر آدم في حوار خاص مع ” مريم حجازي ” موديل الإعلانات صاحبة الوجه الحسن في ظهورها دائماً

حوار - عمر آدم

 .عمر : في البداية عرفينا بنفسك ؟؟ 
مريم : إسمي مريم حجازي ، عندي ١٧ سنة ، بدرس في الصف الثاني الثانوي ، أتولدت في مدينة الفيوم ، لكن عايشة في القاهرة مدينة الشروق مصر الجديدة .

عمر : كلمينا عن حياتك أكتر ؟؟
مريم : أنا بنوته عادية جداً من أب و أم منفصليين و عندي ٢ ولاد أخواتي و بحب التمثيل و مجال الإعلانات و نفسي أبقي ممثلة و معروفة .

عمر : إي أكتر موقف مؤثر في حياتك ؟؟
مريم : مفيش موقف وحش في حياتي الحمدلله .

عمر : لو الزمن يرجع بيكي لورا هتعملي إي أو مش هتعملي إي ؟؟
مريم : هركز أكتر في مستقبلي ، الي مش هعمله أني مش هسمع كلام حد .

عمر : هل أهلك كانو موافقين إنك تدخلي المجال ده ؟؟
مريم : أه كانوا ديما مشجعني و بيسعدوني و يدعموني كتيير جداً و ديما معنوياتي مرفوعة الناس كلها كانت فرحانه ليا و بردو شجعتني كتيير .

عمر : إي هدفك من خلال المجال ده ؟؟
مريم : هدفي إن أبقي حاجة كبيرة إنشاء الله هو حلم و هيتحقق بأذن الله .

عمر : إية خطواتك الجاية ؟؟
مريم : إنشاء الله هدخل في مجال الموديلينج أبقي cat wallk و أتقدم في مجالي .

عمر : نصيحة لكل بنت نفسها تدخل المجال ده ؟؟
مريم : لازم تهتمي بنفسك و متركزيش مع اأي حد بينتقدك أو بيحاول يوقفك إنتي في طريق الصح و هتوصلي لحلمك بنفسك .

عمر : كلميني عن أعمالك أكتر ؟؟
مريم : أنا كنت يشترك في مجال المسرح في المدرسة و مخرج شافني و أخدني عملت إعلان كوكاكولا و بعدين مخرج تاني طلبني و عملت إعلان بريذدون و بعدين إشتغلت علي نفسي أكتر و عملت إعلان لكمبوند و طلبوني لسافيرات ماجي كان في ٥ سفيرات من بلدان مختلفة بس إتشهرت أكتر لإعلان المصرية للإتصالات ” و لسه البقباقه شغاله ” .

بنشكرك يا مريم علي الحوار الجميل ده وربنا يوفقك وتحققي كل الي نفسك فيه يااارب 

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى