حوارات وتحقيقات

عمر آدم في حوار خاص مع ” هايدي جمال ” المغنية الصاعدة

حوار - عمر آدم

عمر : في البداية عرفينا بنفسك ؟؟
هايدي : إسمي هايدي جمال ، بدرس في كلية إعلام ، اتولدت في القاعرة لكن ساكنة في مدينة نصر .

عمر : إي أكتر موقف مؤثر في حياتك ؟؟
هايدي : بالنسبالي لما في بنت جت قالتلي أنا كنت بدعي في صلاتي إنك تكلميني كويس و تضحكي في وشي ده كان أكتر موقف مؤثر بالنسبالي .

عمر : هل اهلي كانوا موفقين علي إنك تدخلي مجال الغناء والجمباز ؟؟ 
هايدي: اه كانوا موفقين علي الغناء و بيشجعوني ، و موضوع الجمباز اه كانوا موفقين لأن أنا مامتي كانت مدربة باليه و جمباز و هي اللي كانت بدربني .

عمر : إي رد افعال الناس علي شغلك ؟؟ 
هايدي : ردود أفعال حلوة محدش علق علي صوتي إنه وحش و يشهادة ناس كبيرة في الفن ، اما الجمباز أنا كنت بطلة جمباز وات ثاني مكرر مرة و ثالث مرة .

عمر : إي خطواتك الجية في مجالك ؟؟ 
هايدي : في مجال الغناء في كذا أغنية ليا سنجل و أغنية ثانية مع مغني راب ، أما الجمباز أنا وقفته من فترة طويلة .

عمر : إي النصيحة اللي تحبي تقدميها لأي حد بيغني ؟؟ 
هايدي : ميعتمدش علي حد و يعمل نفسه بنفسه عشان المجال دة في حاجات وحشة كتير و ممكن في يوم و ليلة تلاقي حد بيقول إنه عمللك بس الكلام دة مش بيبقي مضبوط .

عمر : كلميني إزاي بدأتي في الغناء والجمباز ؟؟ 
هايدي : أنا بدأت اغني وأنا عندي 9 سنين طلعت حفلات و إيفنتات و كنت بغني فيها و أول ما دخلت الجامعة بعد فترة من دخولي واحد صاحبي عرفني علي مهندس صوت أنا وناس تانية من أصحابي البنات فا مهندس الصوت إختارني أنا اغني الأغنية اللي كنت مترشحة ليها أنا و كام بنت و اخترني من وسطهم و الكلام دة كان 2017 و من وقتها وانا بدأت أغني و أنزل اغاني ليا و بعتبر دلوقتي إن الغناء هو مهنتي مش موهبة بس ، بالنسبة للجمباز أنا بدأته وأنا عندي 4 سنين تقريباً و كنت بتمرن كل يوم مع مامتي و بدخل بطولات و بكسب ووقفته من وأنا في الثانوية .

بنشكرك يا هايدي علي الحوار الجميل ده وربنا يوفقك وتحققي كل الي نفسك فيه يااارب 

 

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى