الفنمصر

عمر آدم يحاور الممثلة الشابة ” مروة الأزلي ” فى حديث خاص لأنباء اليوم المصرية

حوار - عمر آدم

عمر : في البداية عرفينا بنفسك ؟؟
مروة : إسمي مروة الازلي ، دكتورة صيدلانية ، مواليد محافظة الإسكندرية ؛ وعايشة في القاهرة .

عمر : إزاي دخلتي مجال التثميل ؟؟
مروة : أنا بدأت الأول بإعلانات في التلفزيون امنتجات لمعينة وكدة وخطوة بخطوة بدأت أدخل مجال التمثيل .

عمر : كلمينا عن بدايتك في أعمالك السنيمائية ؟؟ 
مروة : أنا بدأت أول حاجة عملتها دور ” مضيفة الطيران ” في فيلم ” عسل أسود ” بطولة الفنان ” أحمد حلمي ” لما كان في الطيارة ورايح أمريكا وكان عايز يرجع مصر ، بعدها جالي دور في فيلم ” بابا ” بطولة الفنان ” أحمد السقا مع الفنانة درة ” .

عمر : كلمينا عن تجربتك في بطولة فيلم ” الألماني ” ؟؟ 
مروة : كانت تجربة جديدة ومختلفة بالنسبالي وكنت حابه العمل جداً خصوصاً إنه أول عمل ليا يكون بطولة ؛ وكان مع الفنان ” محمد رمضان ” .

عمر : كلمينا عن أدوارك في المسلسلات ؟؟ 
مروة : عملت دور ” أجوجا ” الصومالية في مسلسل ” فرقة ناجي عطا الله ” مع الزعيم ” عادل إمام ” والدور ده نجح جداً وناس كتير كانت بتكلمني عليه وكدة لأني كنت بنت زعيم القبلية الي حبت الممثل ” محمد إمام ” وفي الاخر إتجوزته ؛ وشكلي ولبسي وكدة وأنا كنت حابه العمل جداً في الدور ده ، بعد كدة إشتغلت في مسلسل ” عد تنازلي ” مع الفنان ” عمرو يوسف ” ، وبعد كدة إشتغلت في مسلسل ” تفاحة آدم ” مع الفنان الكبير ” خالد الصاوي ” ومجموعة من الفنانين ، وبعد كدة إشتغلت في مسلسل ” شمس ” مع الفنانة ” ليلي علوي ” .

عمر : إي أكتر موقف مؤثر في حياتك ؟؟
مروة : أكتر موقف مؤثر في حياتي هو وفاه والدي .

 

عمر : لو الزمن يرجع بيكي لورا هتعملي إي أو مش هتعملي ؟؟ 
مروة : لو يرجع بيا الزمن لورا مكنتش هغير حاجة لأن كل حاجته عملتها كانت عن إقتناع تام وراضية بالنتيجة لأنها في النهاية كل حاجة بإيد ربنا .

عمر : إي الحاجات الإجابية والسلبية الي في مجالك ؟؟ 
مروة : الحاجة الإيجابية إن الواحد بيعمل حاجة بيحبها ومبسوط وهو بيعملها وهي التمثيل ، الحاجات السلبية كتير ؛ مثلاً الوسط الفني عايز تفرغ وعايز تركيز كبير والتمثيل ممتع عشان بحبه لكن متعب ومرهق وساعات العمل بتصل احياناَ ل 15 ساعة تقريباً ، و أوقات الشغل ممكن تخليك متعرفش تشوف ولا تقابل أهلك ولا أصحابك وناس كتير بتزعل مني .

عمر : هل أهلك كانو موافقين إنك تدخلي المجال ده ؟؟ 
مروة : أهلي مش معترضين علي الوسط الفني 
ولكن مش عايزني أسيب مجال الصيدلة لأن العائلة كلها أطباء وصيادلة ومفيش في العائلة أي حد في الوسط الفني .

عمر : إي هدفك في الحياة ؟؟ 
مروة : هدفي هو تحقيق أحلامي ونجاحي والوصول لمكانة ترضيني ؛ و أتمني اقدم أدوار و أعمال مهمه تكون داعمه لقضايا مهمه وتسلط الضوء عليها .

عمر تنصحي أي حد عايز يدخل مجال التمثيل بإي ؟؟ 
مروة : أنصح إي حد عايز يدخل مجال التمثيل إنه يدرس الأول عشان يدعم وينمي موهبته ، و إنه يركز في اي دور يجيله حتي لو مشهد واحد ويخرج فيه كل طاقته وموهبته .

عمر : إي أخر أعمالك التلفزيونية في رمضان وبعد رمضان ؟؟
مروة : أخر أعمالي في رمضان مسلسل ” ضد مجهول ” ” شخصيه بوسي ” ” بنت منحرفة ” ” أرض النفاق ” ” شخصية نوال ” ” زوجه نكدية من منطقه شعبية ” 
، وبعد رمضان ” مسلسل نصيبي وقسمتك ” الجزء الثاني ، وبعد كدة مسلسل ” حكاية نظره فإبتسامة ” مع الفنانة ” شيري عادل ” و إستاذ ” أحمد العوضي ” والأستاذ ” كريم قاسم ” .

بنشكرك يا مروة علي الحوار الجميل ده وربنا يوفقك وتحققي كل الي نفسك فيه يااارب 

 

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى