أخبارأدب وثقافة

قصيدة / أول حب

 

بقلم الشاعر / أشرف عبد الكريم

فاكرة أول مرة شوفتك
كنتي لابسة يومها إيه
عقد فل بقلب أبيض
لما شوفته جريت عليه ..

كنتي لسة صغيرة
بالضفيرة والمريلة ..

كانت الضحكة ف عيونك
وردة نادية معطرة
كنت لما ببص ليكي
أقول لروحي إيه جرى ..

دحنا لسة صغيرين
لسة عارفك من يومين
لسة أول يوم دراسة
ع الفصول متوزعين ..

لما جرس الفسحة ضرب
رحت ادور انتي فين
كنتي واقفة في ركن هادي
قولت اسأل انتي مين ..

والغريب اني عرفت
أنها سألت عليا
من سعادتي لقتني طيرت
بانت الضحكة ف عنيا ..

لما قربت إليها
شوفت صورتي في عنيها
وبكسوف بدأ السلام
وأبتدت قصة غرام ..

كنا لسة في سنة اولى
كنا نضحك في الخصام
هو ده حب الطفولة
اللي كان أيام زمان ..

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى