صحافة المواطن

قصيدة العنوسة للشاعر علاء عامر

متابعة – منيرة صالح

كبرتى فى السن

وقلبك عمال يئن
القطر عدى وسابك
وبقيتى وحيدة ف احلامك
بتحلمى تلبسى فستانك
والطرحة تزين جمالك
والناس والاهل تبارك
بتهنى وقلوبهم دعيالك
على فرحك وزفافك
وانتى فرحانة وطايرة
والكون بحالة ما يساعك
وحبيبك فرحان جنبك
خلاص هيكون ابو عيالك
تديلة تحويشة مشاعرك
وتحلا بية ايامك
وتمر الشهور بيكى
تحملى وتشوفى ولادك
بيكبروا قصاد عينيك
تدعيلهم ويدعولك
ولقيتك فوقتى من حلمك
على واقع واقف ضدك
وعادات وتقاليد بتصدك
وشبكة ومهر بالالوفات
وفرح فى افخم الاتولات
وخلافة حاجات ومحتاجات
تقطم ضهر العرسان
وتطفش اشجع شبان
لو حتى كانت مانيكان
فاكرين بالطريقة دى هيصونها
ويحافظ عليها ويكرمها
وتغلا ف نظرة قيمتها
وكل مانزود ونغلى ف الطلبات
تضيق النفس وتبعد المسافات
والغلط غلطنا من زمان
بعيدنا عن منهج دينا
والصحابة الكرام اسوتنا
شغل الفشخرة والمنظرة
ف حياتنا خربت بيتنا.

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى