صحافة المواطن

قيدت صوابعي العشرة شموع

قيدت صوابعي العشرة شموع

وما خدتش منهم غير اسي

ومهما اخبي دموعي تبان دموع

كل اللي عملته ليهم اتنسي

يا قلبي الله يعينك شايل حمل جبال

وان جت سيرة الجراح اسمك علطول يتقال

جرحك جواك بينزف وصوته مش مسموع

وانا م النهاردة خلاص

هاحرق كل مراكبي

حب صدق اخلاص

دي حاجات أنساها يا قلبي

علطول دايما يا قلبي واقف كما الابطال

وكل تضحياتك بقوا صفر علي الشمال

وحرام يا قلبي تكمل سكة مالهاش رجوع

احضن يا قلبي روحك

عشان مالكش غيرك

مين حس يوم بجروحك

حتي اللي عاشوا ف خيرك

كله سابك مشي

ولا حد بيختشي

جواك مليون سؤال

ازاي تبقي براءتك

ف الدنيا دي مشكلتك

فوق بقي دا خيال

وحرام اطاوعك تاني وأعيش زيك موجوع

قيدت صوابعي العشرة شموع

كلمات

محمد عبد المنعم

منعم

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى