أدب وثقافةالمزيد

وفكرة اني … بقلم محمد عبد المنعم منعم

وفكرة اني

مش هي دي اخر الحكاية

وحرام تكون دي هي النهاية

اللي وانت يا قلبي نستاهلها

وفكرة اني ابعد واغيب

واقول خلاص مفيش نصيب

فكرة طبعا قلبي مش قابلها

قالوا هتنساها بغيرها

وويا غيرها

تبني حياة من تاني وتخلف

وتبقي ماضي وموضوع وانتهي

واكيد بعدها

هتقابل غيرها لما تمشي وهتعرف

نسيوا انها مش حب عادي

دا انا حضني من بعديها فاضي

ولا راضي

قلبي يقول وداع لا مش قايلها

معقولة بعد الحب دا

ان النهاية تكون كدة

زي اي قصة حب متعادة

كالعادة

بتبتدي بفرحة وحنين

وتنتهي بدمع وانين

تخلص ف غمضة عين

وإحنا مالناش فيها ارادة

العقل بيقولي خلاص ابعد وفارق

ارضي بنصيبك وانزل للحقايق

شوفها زي اي قصة وتجربة

سؤال مالوش اجوبة

وقلبي ماليش حكم عليه

نسيانك صعب قد ايه

كالعادة

بتبتدي بفرح وحنين

وتنتهي بدمع وانين

تخلص ف غمضة عين

واحنا مالناش فيها ارادة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى