أنباء اليوم
السبت 19 أبريل 2025 07:16 مـ 20 شوال 1446 هـ
 أنباء اليوم
رئيس التحريرعلى الحوفي
برشلونة يحقق الريمونتادا و يفوز علي سيلتا فيجو برباعية ميناء دمياط اليوم السبت الموافق 19 / 4 / 2025 مكتبة مصر العامة تستضيف أعضاء الجمعية العامة للكشافة بالقاهرة رئيس الوزراء في تصريحات تليفزيونية: من خلال الجولات الميدانية لاحظنا نهضة كبيرة ملموسة بالمصانع مانشستر سيتي يفوز على ايفرتون بثنائية بالدوري الانجليزي الممتاز إنطلاق فعاليات التدريب الجوى المصرى الصينى المشترك (نسور الحضارة- 2025) الأهلي يتعادل سلبيًّا مع صن داونز بدوري ابطال أفريقيا وزير العمل يلتقي نائب وزير الموارد البشرية والتنمية الاجتماعية للعمل السعودي لبحث تفعيل التعاون المشترك وزيرة البيئة تهنئ أقباط مصر بعيد القيامة المجيد وتشاركهم الاحتفال بالكنيسة الإنجيلية بمصر الجديدة وزير العمل يُناقش مع نظيره القطري ملفات تنقل الأيدي العاملة و الربط الإلكتروني الرئيس السيسي يجري اتصالًا هاتفيًا مع رئيس جمهورية الكونغو الديمقراطية رئيس الوزراء يتفقد مصنعي ” الوايلر فريد حسنين للطلمبات

قيس و ليلي ٢٠٢١

أعمل إيه دلوني يا أهل الغرام

كل يوم اشوف حبيبي في المنام

طيفه في حضني ليلاتي بدون كلام

كان الحب لسه ف أوله و كنت انام

كان يجيني حتي في وقت الخصام

لكن لما الشوق حمي و زاد اضطرام

بقي يصاحبني السهر و عز عليه المنام

شمس تروح و شوية ترجع تصحي الأنام

ما ادري بحالي و لا اعرف بقينا الساعة كام

لا بطول عنب اليمن و لا بدوق بلح الشوام

يا اهل الفضيلة و الشرف فين الإمام

قولوله عاشق عندنا عقده انفرط فلت الزمام

شوفوله واسطة بينه و بين أهل الكرام

ابعتوا مرسال لعمي شوفوا مهر ليلي كام

أنا كنت رايح اعمل قرض من البنك وقالوا حلو الكلام

مملكش من حيطان الدنيا إلا بنطلوني و الحزام

متدقش علي فانلة أو قميص شوفهم بكام

علشان عيون اللول أبيعه و الله و معاه الحزام

لما يلاقوني كده حصعب عليهم يا حرام

لاجل عيونك يا لولتي استحمل ذل ابوكي الهمام

و انتي عليكي تليني دماغ حماتي و تظبط لأبوكي اللجام

قصص الحب الكبيرة محفوفة دايماً بالآلام

شوفي ذكرياتنا لما كنا نتشعبط في ضهر الترام

و الدهب أيامها فاكره كان بتعريفة الجرام

و العملة كان ليها شنة و رنة رغم ما فيها من خرام

الدنيا بقي فيها العجب قل الأدب كتر الزحام

يا ليلي ياللا نتخمد لو في ايدكي شوفي الساعة كام

شكلي بخرف م السخونة قيسي الحرارة و ورينا العلام

يا ست اهدي دي مش كورونا.. ده مجرد حبة زكام

موضوعات متعلقة