( حبيبي و شقاوته )
بقلم_ د -رفيق عفيفي
غلبت أداوي منك جروحي
من كتر قسوة قلبك يا روحي
ما هو زاد نحيبي و علا نوحي
طول عمري احبك و الحب غالب
و انت تلاوعني و تعمل مقالب
حوشت المهر اللي ابوكي طالب
يا مجري قلبي دايماً وراك
و عنيه تهوي جمال خطاك
كل ما املُك و الروح فداك
يا حب عمري منين اجيلك
كل الحبايب أكيد قالولك
حيران لوحدي أكيد حكولك
انت جميل و زايد حلاوة
دمك خفيف في عينيك شقاوة
شتاك دفا و صيفك طراوة
كفاياك بقي تُقل و جَفا
قلبي العليل طالب الشِفا
بنظرة حلوة هي كُل الصفا
إمتي بقي يا قمر تِرِق
حالي صعيب و يستَحِق
كتير بتتقل و انا حطق
أحلف لك بإيه إني بحبك
حِلفان عليه و ف جيبي مهرك
إديني وشك و بلاها ضهرك
إمتي بقي كتب الكتاب
نطوي صحيفة لوعة و عذاب
يهللوا لنا و يقفلوا علينا باب
.jpg)
