كان زمان .. (خواطر) بقلم - أميرة عبدالعظيم

زمان كان في حب وأمان

الناس كانت بتسأل

عن الغايب والتعبان

وتقطع مسافات علشان

تزور الأهل والجيران

كان الحب له معنى

وكانت العشرة ليها مكان

وإنك تبقى عليها

ده لوحده عنوان

زمان كان كل شيء

يتاخد في الحسبان

الواجب لازم يتقضي

بقدر الإمكان

زمان كان الود سهران

معانا بين الأهل والخلان

زمان كان الخير بيغطي

الفقير والعريان

زمان ماكان للطمع

بين النفوس مكان

والصدق والإخلاص

توأمان لايفترقان

زمان كانت القلوب صافية

عمرانة بحب الناس والجيران

ورغيف العيش كان يقضي الولدان

حتى الطعام طعمه طعم الحَلاَن

نيف ومليون أشتاق ليك يازمان

يازمان الهنا والحلا والأمان

نيف ومليون أشتاق لو ترجع

يازمان كان بالرضا مليان

أنا مش بلوم على الأيام

ولا حتى لومي على الإنسان

أنا بس ليا سؤال

فى الفكر والوجدان

هو إحنا بقينا خلاص

فى طي النسيان

ولا بقينا في زمن

غير الزمان اللي كان