أنباء اليوم
السبت 26 أبريل 2025 04:42 مـ 27 شوال 1446 هـ
 أنباء اليوم
رئيس التحريرعلى الحوفي
وزير الإسكان يتفقد مارينا 8 ومارينا by the lake .. ومشروع إنشاء ممشى الخدمات ”Marina walk” أسعار الذهب تتراجع عالميًا مع انحسار التوترات التجارية سعر الذهب اليوم السبت 26-4-2025 في مصر صباحًا نتائج الأداء الاقتصادي خلال الربع الثاني من العام الـمالي 2024/2025 مصر الثانية إفريقيًا في أعلى ناتج محلي إجمالي عام 2025 معدل البطالة في مصر يتراجع إلى 6.6% خلال 2024 المشاط تُشارك فى مناقشة مستقبل النمو العالمي وتعزيز التحول إلى الاقتصاد الأخضر ومستقبل الوظائف ”الناشرين الإماراتيين” تفتح آفاقاً جديدة لصُنّاع الكتاب المحليين في رحاب ”الشارقة القرائي للطفل” و”أبوظبي الدولي للكتاب” الداخلية: كشف ملابسات واقعة التعدي علي عامل توصيل طلبات بأحد المراكز التجارية وزير الإسكان يتفقد أعمال رفع كفاءة طريق الازدواج وإنشاء سور منطقة الشانزلزيه ملوك ورؤساء العالم يودعون البابا فرنسيس في جنازة مهيبة بالفاتيكان مصر ترحب بتوقيع إعلان المبادئ بين جمهورية الكونغو الديمقراطية وجمهورية رواندا

تخاريف .. بقلم - الشاعر/ أشرف عبدالكريم

الشاعر أشرف عبدالكريم
الشاعر أشرف عبدالكريم

قيمة وقامة ضيوفي الكرام

بقدم تحية وأجمل سلام

هفضفض بقلبي واقول اللي عندي

لإن اللي زيي قليل الكلام ..

تعالى ياسيدي بلاش الأسية

نرمي همومنا ونرتاح شوية

تقول اللي عندك واقول اللي عندي

دي لسة قلوبنا صافيا ونقيا ..

ليه بس بنعمل م الحبة حكاية

وتزعل وأزعل ونكتب نهاية

تشوفني ف طريقك وتنسى صديقك

كأني عدوك وعامل جناية ..

وانتي ياستي يازينة البنات

بلاش التعالي وانسي اللي فات

بدل مانعافر مانرسم مشاعر

تقرب مابينا كتير مسافات ..

ونحلم ببكرى يكون أحلى ذكرى

نجدد حياتنا ونمحي الأهات ..

وانت ياباشا ليه دمك تقيل

بتشخط وتنطر وعامل مدير

ودايمآ تطاطي ونايم يوماتي

يكنش سيادتك مهم وخطير ..

بتفرح ياسيدي نقولك أوامر

لان انت هدفك طلوع السلالم

وف كل صورة بتضحك منور

ما ده هو طبعك تحب المظاهر ..

وشايفك ياجندي ياحامي وطنا

ياحامل سلاحك ورافع علمنا

بقيت رمز لينا لأنك حقيقي

بتزرع وتصنع وتحصد عشنا ..

ولسة في واحد مجبناش في سيرته

سيادة الموظف يطول ف عمره

في شغله يوماتي ده دايمآ يعاني

ويصرخ ينادي مفيش حد سمعه ..

ياعالم سيبوني أفضفض شوية

دنا أصلي مصري وأمي بهية

بحب البلد دي وبعشق ترابها

ما هي اللي باقية وهي الوفية ..

وأخرت كلامي وكل اللي قولته

مجرد هواجس في حلمي وشوفته

وكله يفسر ومن غير مايزعل

يقولي دي رؤية ولا دي حكايته ..

أديني وصلت لنهاية كلامي

وناوي اني أختم واقدم تهاني

وكل اللي يقرا حروفي هيعرف

بإن اللي كاتب .. شاعر أغاني