تامر هجرس : الصلاة والقرآن نوع من التأمل بينضف الروح

خلال لقائه في برنامج "أسرار النجوم" من تقديم الإعلامية إنجي علي عبر إذاعة وقناة "نجوم FM" قال تامر هجرس: "رمضان بالنسبة ليا عبادة ورياضة وعزومات مع الأصدقاء، ومن السنة اللي فاتت قررت أني مروحش أي سحور مش عايز أسهر، بروح أفطر مع أصحابي وبعد كده العبادة صلاة التراويح وقراءة القرآن، بالنسبة ليا الموضوع دا القرآن والصلاة نوع من التأمل، لأنك بتاخد وقت لنفسك بعيد عن أي دوشة أو زحام في المخ، المخ بيبقى مركز بس مع ربنا وربنا بيرفع الروح وقت الصلاة تحس أنك
بتنضف".

وتابع تامر هجرس: "مهم أن أي بني آدم يكون عنده في اليوم وقت ينضف روحه عشان يدي إيجابية وطاقة حلوة لكل اللي حواليه".

وأكد تامر هجرس أنه لم يعد يحلم بأي شيء سوى الشعور بالرضا قائلا: "أنا كل حاجة نفسي فيها عندي، ومش عايز أقول أني نفسي في حاجة لأني مكتفي بكل الأشياء اللي في حياتي عايز يبقى عندي قناعة ورضا وأقرب من ربنا وأي إضافة تيجي خير وبركة لكن أنا الحمد لله مكتفي".

على جانب آخر، عاد تامر هجرس لجمهوره بعد غياب من خلال مشاركته في فيلم "شوجر دادي" الذي يعرض في دور العرض السينمائية في مصر والدول العربية.

وتدور أحداث فيلم "شوجر دادي" في إطار كوميدي حول رجل يمر بأزمة منتصف العمر، وتقوده مراهقته المتأخرة إلى إقامة علاقة سرية مع راقصة، لتنقلب حياته وحياة أسرته رأسا على عقب.

فيلم "شوجر دادي" من إخراج محمود كريم وتأليف لؤي السيد وإنتاج شركة نيوسنشري، توزيع داخلي دولار فيلم، وتوزيع خارجي شركة أورينت، وشارك في الإنتاج شركات أفلام مصر العالمية، سينرجي، ماجيك بينز، وفيلم سكوير.

و"شوجر دادي" بطولة ليلى علوي وبيومي فؤاد وحمدي الميرغني وتامر هجرس، محمد محمود، مصطفى غريب، مي الغيطي، جوهرة، وفرح الزاهد.