سيرتك

بقلم- فاطمة عبد الواسع

اول ما شادني ليك سيرتك

فضلت اسمع في كل مكان اسمك .

والكل بيشكر فيك وبعطر كلمتك .

جريت دورت ع صورتك.

صورتك فيها حاجة كدة غريبة .

لما تشوفها تحس انك بتتجذب ليها ....

وكل شوية افتح اتملي فيها ..

والاقي نفسي فاتحة معاك مواضيع

وعنيك بترد عليها

لاقيتني بستلطفك وبنيت في خيالي شخصيتك .

ولسة الناس بتجيب في عطر سيرتك .

ولما قابلتك سلمت عليك والغريبة .

لاقيت عنيك بتسلم بحرارة كأنها منتظرة زيي.

ومن فرحتي ضحكت اوي ولهفتي ظهرت .

وبعد الكلام طلعت الحقيقة أجمل من الخيال.