زجل . . علشان كده حبيتها كتير
بقلم - ناجح وهبة
أنا حبيتها لانها كانت
زهرة بريئة في غيط صبار
كلمة جريئة قصاد جبار
كانت نوري وكانت نار
............
كانت ليلي و سهري وقمري
وعشان ليلها طويل وجميل
اتمنيت مايجيش نهار
......................
كانت ضي منور ليلي
أجمل الحاني ومواويلي
لو اضحك ترسم لي قلوب
ولما احتاجها تكون عكازي
دايما جنبي لو أنهار
.................
كانت مطرة في حر الصيف
سكنت قلبي وكنت أنا ضيف
وعشان مااضايقش وجودها
كنت اتسحب لما ازورها
واكتب لها احلى الاشعار
................
.jpg)
