أنباء اليوم
الإثنين 21 أبريل 2025 06:57 مـ 22 شوال 1446 هـ
 أنباء اليوم
رئيس التحريرعلى الحوفي
الداخلية: ضبط فتاتين لقيامهم بالرقص داخل عربات مترو الانفاق مؤتمر العمل العربي ينتخب حكومة مصر ” عضو أصيل” في مجلس إدارة منظمة العمل العربية . جريدة انباء اليوم المصرية تحكي لنا قصة كفاح و نجاح سفيرة الازياء إيمان محمود السودان يعلن عن تسهيلات جديدة لعودة مواطنيه من مصر الفاتيكان يستعد لانتخاب بابا جديد الداخلية: ضبط عاطلان لقيامهم في الإتجار في الأسلحة النارية ببني سويف الداخلية: كشف ملابسات قيام سائق اتوبيس بالتعدي علي سيدة من ذوي الاحتياجات الخاصة الفاتيكان يعلن موعد وضع البابا فرانسيس في النعش وزير الأوقاف يتفقد مستشفى الدعاة ويشيد بتطويرها ويوجه بضم أحدث الأجهزة واستقطاب الكفاءات الطبية وزيرة البيئة ترفع درجة الاستعداد بالمحميات الطبيعية استعدادًا لأعياد الربيع وزير العمل يلتقي وفدًا من مركز العمل للتعاون الإسلامي لبحث ملفات مشتركة الداخلية: ضبط 3 عناصر إجرامية شديدة الخطورة بحوزتهم أسلحة ومواد مخدرة بأسيوط

بيومي فؤاد : نفسي الزمالك يطلع يقول خسرنا عشان كنا وحشين

أعرب الفنان بيومي فؤاد عن استيائه من تفكير بعض جماهير نادي الزمالك بعد خسارة فريقهم برباعية أمام النادي الأهلي.

وقال بيومي فؤاد خلال تصريحات تليفزيونية: عمري ما غلطت ولا قليت أدبي على جماهير الزمالك، أنا ربنا خلقني أهلاوي إيه المشكلة، الزمالك لو اتغلب من ريال مدريد هيدوروا على أي حاجة غير إنهم وحشين.

وأضاف بيومي: شيكابالا قال لعمرو أديب لو كورة هناخد الدوري، يعني إيه كورة هو احنا بنلعب بلي، أمتى هتقولوا إنكم اتغلبتوا النهاردة علشان وحشين أو اللي قدامكم كانوا كويسين

وأكمل حديثه قائلًا: لما الزمالك خد كأس مصر من الأهلي قلت على الأهلي دا إحنا غلابة النهاردة ووحشين، هما لما يخسروا بيعلقوا شماعات ومبررات الخسارة منها الظلم والتحكيم والمؤامرات والسحر، الزمالك بيتجامل والأهلي بيتجامل الزمالك بيتظلم والأهلي بيتظلم، ولكن هناك أمور أخرى وراء الخسارة لا بدَّ على الزمالك الوقوف أمامها والاعتراف بالتقصير والخلل والمشاكل بعيدًا عن الشماعات.

وتابع: اشمعنا احنا كلامنا اللي بيبقى مُر ولو الزملكاوي شتم وقل أدبه يبقى كويس، الزملكاوي بيقول لو كرة زيزو دخلت طيب ما كرة أفشة جت في العارضة، ده ماتش 6/1 بيقولوا لو كورة وليد صلاح عبد اللطيف دخلت كان الزمالك كسب، هو ده كلام يُعقل.

كما أوضح الفنان بيومي فؤاد أنه يتعرض لإنتقادات دائمًا بسبب دعمه للنادي الأهلي، قائلًا: قلت الأهلي لعب حلو هي دي قلة أدبي اللى بتشتم عليها في كل حتة، نفسي في مرة الزمالك يطلع يقول احنا اتغلبنا عشان احنا وحشيين لو قالوا ده هيروحوا في حتة تانية، وأرجع أحد أسباب خسارة نادي الزمالك في الدوري الممتاز وتراجع مستواه الفني إلى افتقاد النادي لعدد كبير من لاعبيه هذا إلى جانب الظروف الإدارية التي يمر بها وبعض المشكلات المتعلقة بإيقاف قيد النادي.