ياسمين عبدالعزيز ”أنا لما حبيت أحمد اكتشفت إني مكنتش بحب قبل كده”

حلت الفنانة ياسمين عبد العزيز ضيفه على برنامج صاحبة السعادة مع الإعلامية إسعاد يونس، وخلال حوارها كشفت عن تفاصيل علاقتها مع الفنان أحمد العوضي.

وقالت ياسمين عبد العزيز إنه كان هناك عددًا من الخلافات التي أدت إلى طلاقها من أحمد العوضي، مؤكدة أن الخيانة ليست السبب الحقيقي وراء طلاقهما.

وبكت الفنانة ياسمين عبد العزيز خلال حديثها عن طلاقها من أحمد العوضي، قائلة: أكيد كان فيه مشاكل قبل الطلاق.. وأنا مش بحب أحمد أنا بعشقه.. أنا لما حبيت أحمد اكتشفت إني مكنتش بحب قبل كده.. وإن أحمد هو أول حب في حياتي.

وأضافت: أحمد هو الحب الحقيقي.. أنا عن نفسي عملت استخارة وعمرة واللي ربنا رايده هيكون.. وعارفة إنه بيحبني وهو عارف إني بحبه.

وتطرقت الفنانة ياسمين عبد العزيز للحديث عن توقع ليلى عبد اللطيف بطلاقها من الفنان أحمد العوضي، إذ قالت: طبيعي أي اتنين بيطلقوا بيكون فيه قبلها مشاكل وناس حوالينا عارفين وأكيد بلغوا.. ومافيش حد بيعلم الغيب إلا ربنا.

واستكملت ياسمين عبد العزيز خلال حوارها مع الإعلامية إسعاد يونس: فيه ناس مؤذية بقالهم سنين بيأذوني وربنا يجبلي حقي.. وأكيد لو خيانة أنا مش هسكت.. والجمهور الحقيقي اللي بيحبنا بيحبنا مع بعض.. فيه ناس قلبها أسود وحقودة مبيحبوش يشوفوا اتنين بيحبوا بعض.. ميعرفوش يعني إيه حب