حوار خاص مع ” كريم محمد ” شاب حاز علي لقب ” نجم السوشيال ” من خلال دراسته ، والذي إستطاع الوصول لجميع المشاهير

س : في البداية عرفنا بنفسك ؟؟
ج : إسمى كريم محمد لطفى ، عندى ١٨ سنة ، عايش فى المعادى مولود فى القاهرة ، طالب فى auc .
س : إي أكتر موقف مؤثر في حياتك ؟؟
ج : أكتر موقف مؤثر هو وفاة والدى حياتى كلها إتغيرت بعد الحدث ده يمكن عشان أنا قبلها كان والدى و تمرينى و عيلتى هما كل حاجة مكنش عندى أصحاب بس بعد والدى كل حاجة إتغيرت .

س : لو الزمن رجع بيك لورا إيه الحاجة الي هتعملها أو مش هتعملها ؟؟
ج : الزمن لو يرجع بيا أكيد كنت هبقى social أكتر مع الناس و أعمل أصحاب كتير ؛ هو فى الحقيقة أنا كنت واخد موضوع لاعيبه الكورة و الممثلين حاجة شخصية عشان كنت بحبهم بعد كدة لقيت رد فعل الناس إن هما عايزين يشوفوا الحاجات دى كتير بدأت أركز فى المجال ده .
س : إي خطواتك الجيه ؟؟ 
ج : خطواتى الجاية إنشاء الله هبتدى أعمل videohat و فى التمرين إن شاء الله فى خطوات جاية كتير أنا حاطط هدف قدامى إنى اوصل و الناس دى هيا الي هتيجى تتصور معايا أنت الي بتعمل نفسك محدش بيعملك .

س : هل دراستك ليها علاقة بمجالك علي السوشيال ميديا ؟؟ 
ج : دراستى طبعا ليها علاقة أنا بدرس buisness فا طبعاً لازم شخصيتك تكون sociable زى ما قلت عشان تعرف تنجح فى المجال ده بالذات .
س : إي ردود أفعال الناس وأهلك علي شغلك ؟؟ 
ج : ردود أفعال الناس طبعاً أنت إزاى بتشوف كل دول ، ممكن تصورنا مع صلاح طبعاً أنا ببقى مبسوط لما اقدر أعمل video مع لعيب أو ممثل يبسط الناس بس أنا كدة معملتش ١/١٠٠ من الي أنا عاوزه .

س : نصيحة تحب توجهها لشباب ؟؟ 
ج : النصيحة ركز على نفسك و دور جواك متخليش حد يحبطك و لا حاجة توقعك .
س : كلمة لشخص عزيز عليك قوي ؟؟
ج : أمى ربنا يخليكى ليا .

س : كلمني بقا عن بدايتك في مجال ده ؟؟ 
ج : أنا فى الأول مكنش حد يعرفني خالص و مكنش عندى صحاب بس بعد حادثة والدى إبتديت أتعرف على الناس و أظهر شخصيتي الي كنت بتكسف أبينها و طبعا حصل موضوع التصوير ده زى ما قلت كانت صدف بعد كدة لاء الموضوع بقى فى ترتيبات و إنشاء الله المرحلة الجيه من أهم المراحل فى حياتى و يارب أقدر أفرح الناس و أحب أشكر فخر العرب " محمد صلاح " لأنه من أهم الناس الي بيزودلي ثقتي فى نفسى مش كلام وخلاص والله لكن بالفعل ؛ أتمنى فى يوم أقدر أحقق إنجاز زيه .
بنشكرك يا كريم علي الحوار الجميل ده وربنا يوفقك وتحقق كل الي نفسك فيه ❤