الشايب ..

 
للشاعر / أشرف عبد الكريم
 
كبر الصبي وشاخ
وقالوا عليه شايب
اكمنه حب وداخ
بقى في الزمان عايب ..
 
والحب أصله كدة
مالوش في الفرح نايب
كام قصة بين ده وده
والكل مش تايب ..
 
لكن النصيب غلاب
بترفضه يجيلك
ومهما إتفتح أبواب
محفور على جبينك ..
 
إياك تعيش في الدور
وتعمل لنا رميو
كام قلب عاش مغرور
إتبهدلوا ف همو ..
ورغم الجراح والألم
مبيبعدوش عنو ..
 
أمره غريب الحب
مغلوب ولا غالب
يبدأ بدقة قلب
وبينتهي مصايب ..