أنباء اليوم
السبت 26 أبريل 2025 10:06 صـ 27 شوال 1446 هـ
 أنباء اليوم
رئيس التحريرعلى الحوفي
الداخلية:ضبط المتهمين في سرقة هواتف المحمول من المواطنين علي الطريق الدائري بيراميدز يتأهل لنهائي دوري أبطال أفريقيا للمرة الأولى تاريخياَ رئيس الجمهورية ينيب وزير الأوقاف في حضور عزاء بابا الفاتيكان التعادل الايجابي يحسم مباراة الأهلي وصنداونز بدوري أبطال أفريقيا التعادل الايجابي يحسم مباراة الأهلي وصنداونز بدوري أبطال أفريقيا رئيس الوزراء يلتقي رئيس جمهورية أوغندا محافظ الدقهلية يهنئ السكرتير العام والسكرتير المساعد للمحافظة بمنصبيهما الجديدين تشكيل الأهلى لمواجهة صن داونز في دوري أبطال إفريقيا بالإجماع.. اعتماد فوز ياسر إدريس برئاسة اللجنة الأولمبية المصرية وزير الشباب والرياضة يتفقد إستاد القاهرة قبل مواجهة الأهلي وصن داونز في نصف نهائي دوري أبطال إفريقيا فنان تشكيلي يصمم تمثالا للجندي المقاتل احتفاء بذكرى تحرير سيناء التقرير الأسبوعي لوزارة التربية والتعليم ( السبت ١٩ إبريل – الخميس ٢٤ إبريل ٢٠٢٥)

أشرف عبدالكريم يكتب: ”واحد من الناس”

الشاعر أشرف عبدالكريم
الشاعر أشرف عبدالكريم

عيني على واحد

فتح قلبه لكل الناس ..

كان عايش يوم لنفسه

ويومين لكل الناس ..

وف يوم لقى نفسه

تايه في وسط الناس ..

لقى الأصيل واحد

وكتير بدون احساس ..

قام قافل على نفسه

وحلف مايعرف ناس ..

ودي قصتي أنا !

مانا واحد من الناس ..

********

دكان حياتي أنا سكرته

بالشمع الاحمر وقفلته

وحلفت تاني ماهعرف حد

حتى حبيبي اللي عشقته ..

غيرت أحلامي بايدي

ومعادش في حد حبيبي

حتى أعز الناس لية

مبقاش دوايا ولا طبيبي ..

يادنيا إيه اللي جرالك

سايقة الخلق على مزاجك

بايعة الفرح لكل الناس

وانا اللي توهت في أحزانك ..

بعد ماكانو حواليا

الدنيا صغرت في عنيا

أنا اللي عشت لكل الناس

دلوقتي عايش وحديا ..

أوعو تقولو إن أنا مسطول

أو إني بحكي كلام ف سطور

دنا اللي كنت ضحية ناس

وانتو اللي بكرة عليكو الدور ..

يارب اغفرلي ذنوبي

خليني أخرج من توبي

أصلي وأصوم واذكي

ويكون ده قدري ومكتوبي ..