وصـــــيــــتـــــي بقلم - الكاتب نبيل العزقلاني

الــــوصـــيـــة ديـــــن وعــهــد

الـــوصـــيـــة خــيـــر ووعــــد

هــي شـــــرع ودي ديـــــانـــة

هـــي عــــدل الــمــســلـمـــيـن

***

مــش هــاوصـيـك يـابـن أمــك

راعـــي اخــتــك وابــن عـمـك

حــطـهـم فـي عـيـنـيـك أمـانـة

بِـــــرّ أمــــك يـــبـــقـى ديــــن

***

خــلــي عـيـنـك ع الـقـرايـــب

الـلي مـربــوط واللي سـايــب

ودِّهــم ثــبِّــــت جـــــدورهــم

وإبـــقـي ســلــم ع اللي غـــايب

***

أمــنـــا ضــــــلة حـــيــاتـــنـــــا

مـــهـــمـــا غـــبـنـا وانـتـظـرنا

واللـــي بــاقــي يـبـقـى ذكــرى

جــــوه قــلــب وجـــوه عــيــن

***

راعـــي امـــك راعــي أخــــتــك

هــــــمـــا أقــــدارك وبــخـــتـــك

ازرع الــخـــيــر تــلـقــى خــــيـر

فــي الـرضـــا هـتـلاقـي راحــتـك

***

انــــــــــت أب بـــعــــد مـــــنـي

انـــت فــرحــتــهــا وحــنـيـنـهـا

انــــت حــــافـــظ لــلـــوصــيـة

وانــــت بـــتــنــور ســـنــيــنـها

***

عــمـــرهــا فـي الخير مـسـاعي

هـي مــاسـكـة ف يــوم دراعــي

وامــا بـاضعــف بالـقـى فــيــهـا

إيــــد تـطـبـطـب إيــد تــراعـــي

***

خــلــي بــالـك بـاقــي عـــمــرك

يــســتـــقــيـم لـك كـــــل امـــرك

والـلــي يـحــصـل مــــرة مـــنـك

بــكــرة هــتــشــوفـه فـي حـياتك

***

خــلــي بـــالـك مــــن صـــلاتــك

خــلــي بـــالـك مـــن صــيـــامـك

وأن نــســيــت هــات اللـي فـاتـك

وافـــتــكــرنـي بــيــن عــمــامــك

***

وخــلــي بــالــك مــن الــجـيـران

ذكـــــرى حــلــوة مــــن زمــــان

عــنــدهــم طــيــبــه ومـــــبــادئ

عـــنـــدهـــم عـــشـــرة وحـنـان

***

الــــزكا جـــنـــب الــمـعــــونـة

والـلـــســـان مــشـغــول بـذكره

واحــفـــظ الــعــشــرة الــقـديمة

والــلــي تــاه تــعــبــان بـفـكـره

***

خــلــي بــالـك مـــن لــســـانـك

اربـــطـــه واحـــكــم لــجـــامـه

هــــــو زانــــك هــــــو شـــانـك

والــسـكــوت خــلــيــه كـــلامـك

***

الــــبـــعــيــد قـــرب لـــــبـــــره

اكــرمـــه واحــفـــظ لــه ســــره

مــهــمــا يــقــسى تـبـقـى طـيـب

اوعــى شـئ ف الكــون يـضـره

***

ولا تــنــســى ولاد عـــــــمـــــك

ولا تــنــســى ولاد خــــــالــــــك

ودول الـــقــــــوة والـــــــعـــزوة

ودول كـــنـــزك وراســـــــمــالـك

***

وراعــي كــــل عــــمّــــاتــــــــك

وراضــيــهــم مــــع اخـــــواتــك

ولا تــظــــلـم ولا تــــحـــــــابــي

وتـــحــفـــظ ســـر إخــــواتــــك

***

وحـــط اخــتــك عـلى راســـك

وهــي تِــكــرِمَــك بـالـــــدّيــــن

وقـــرّبــهــــــا وراعـــــيـــــهــا

هــتــبــقـى لـها ســواد الـعـيـن

***

وكـــون الـضـهـر من بـــعــدي

وكــــون الـرحــمة والـمعـروف

وكـــــون الــشــدة والــحـــكــمة

تــلاقــي الــفــرحة بــيك بتطوف

***

ابـقـى زرنــي وســيــب عـلامة

لـــمــــا امـــشـــي بـالــسـلامـة

افــتــكرنــي بــدعـــوة حــــلــوة

تــبــقــى زادي فـــي الــقــيـامة