«مسمحاها» جنة عليوة تتنازل عن قضيتها ضد شهد سعيد لاعبة الدرجات (فيديو)

أعلنت جنة عليوة لاعبة الدرجات التنازل عن القضية المقامة ضد اللاعبة شهد سعيد، قائلة: خلاص كدا مفيش قضية مع شهد سعيد، وقبلت الاعتذار منها إعلاءً للقيم الرياضية وهتنازل عن القضية.

وذلك خلال مداخلة عبر برنامج صالة التحرير المذاع على قناة صدى البلد.

وقالت جنة عليوة: «أنا قبلت اعتذار شهد سعيد، خلاص مفيش حاجة وراضية بالقرار، طبعا الرئيس النهاردة تحدث عن القيم والأخلاق الرياضية ودى حاجة مهمة أوي، كمان حابة أشكر وزير الرياضة، ورئيس اللجنة الأولمبية كمان».

وأضافت جنة عليوة في مداخلة هاتفية مع الإعلامية فاتن عبدالمعبود ببرنامج «صالة التحرير» المذاع على قناة صدى البلد، قائلة: « بجد أنا مسمحاها ومفيش أي حاجة معاها، واتمنى أنها تكلمني ومفيش أي حاجة خلاص مع شهد، وطالما أنا سامحتها خلاص مفيش قضية ولا حاجة».

وتابعت جنة عليوة: « مفيش مشكلة خالص مع شهد واتمنى ليها التوفيق في حياتها الرياضية، وكمان اتمنى التوفيق للبعثة المصرية في أولمبياد باريس».

وأكملت جنة عليوة: «أنا حسمت قراري بقبول الاعتذار بعد بيان عدم مشاركة شهد في أولمبياد باريس، الحمد الله مرة تانية وراضية بقرار الصلح والتنازل عن القضية».

ووجهت جنة عليوة رسالة إلى شهد سعيد قائلة: «والله أنا اتمني لك التوفيق واتمنى تشاركي في أولمبياد 2028».