حوار خاص مع ” ساره سعد مصطفى ” الفنانة المبدعة في رسوماتها بطريقة مختلفة ” أنباء اليوم المصرية ”

س : عرفينا بنفسك؟؟
ج : ساره سعد مصطفى عندي 19 سنه انا في تالته ثانوي عام اتولدت وعايشه في مدينة السلام .

س : احكيلنا اكتر عن حياتك؟؟
ج : حياتي هي إني عايشة مع والدتي و أختي و مليش غير صحابي هما دول حياتي .

س : يا ترى بقى مين هي ساره سعد؟؟
ج : بنت عادية جدا فاشلة في الدراسه بس بحاول أنجح في الرسم و في حياتي عموما .

س : احكيلنا قصة حياتك من اول ما بدأتي في مجال الرسم لحد اللحظه دي؟؟
ج : أول الطريق خالص في الرسم كنت في ابتدائي كنت برسم حاجات بسيطه زي كمبيوتر و دولاب و في إعدادي بدأت أرسم أشخاص و لقيت إني مش هعرف أخد كورس فا جبت من على اليوتيوب فيديوهات و إتعلمت كل مره حاجه جديدة و أكتر إنسان شجعني إني أبدأ أنشر ريوماتي هو شخص عزيز عليا بتمناله كل الخير دلوقتي هو سبب كبير في نجاحي و أسراري إني أتعلم و أكمل و لولاه مكنتش هبقى كده و بشكره جدا على التعب اللي تعبه معايا و بإذن الله هكمل و هطور من نفسي أكتر وأكتر .

س : هل دراستك بتشجعك على الرسم أو كان ليها علاقه لتنمية رسمك؟؟
ج : لا خالص بالعكس يمكن إهمالي للدراسة إني مش شايفه فيها حاجه تشجعني على الرسم .

س : إيه أكتر موقف أثر فيكي و في حياتك؟؟
ج : مفيش حاجه معينه مؤثرة في حياتي بس ممكن أقول بعد والدي عني أحيانا بيأثر فيا و في حياتي .

س : لو الزمن رجع بيكي إيه الحاجه اللي هتعمليها و إيه الحاجه اللي مش هتعمليها ؟؟
ج : حاجات كتير لو الزمن رجع بيا مش هعملهت والحاجه اللي كان نفسي اعملها إني اخد كورسات رسم بس معرفتش .

س : هل اهلك كانوا موافقين انك تدخلي المجال ده؟؟
ج : بالنسبه لمجال الريم لاء مكنش في أي إعتراض و بالنسبه لمجال السوشيال ميديا والإنستجرام تحديدا كان عندهم شوية خوف بس مع الوقت كل حاجه كانت تمام وهما على طول سايبين ليا حرية الإختيار و متفاهمين أن الموضوع ده هيفيدني في المستقبل .

س : إيه هي ردود أفعال الناس و ردود أفعال أهلك على شغلك؟؟
ج : بالنسبه للناس أغلبهم في الأول محدش كان مصدق أني برسم و كده بس مع الوقت أثبت ليهم.
و بالنسبه لأهلي كان في تشجيع منهم كبير أني أكمل و أثبت نفسي في حاجه أنا بحبها .

س : في النهايه إيه هي خطواتك الجايه في مجال رسمك؟؟
ج : بإذن الله ناويه أدخل مجال هندسة الديكور هي بعيدة شوية عن اللي برسمه بس هثبت نفسي فيها إن شاء الله .

بنشكرك جداا يا ساره و بالتوفيق دايما إن شاء الله و دايما من نجاح لنجاح ?