قلب برىء

باضحك قدامكم وباهزر
والنار من جوه بتملاني
وباداري الهم اللي مقدر
من صغري ماسبنيش وحداني
.
باعمل قدامكم اني سعيد
باخدعكم بالضحكة الزايفة
مع اني مابينكم عشت وحيد
والناس حواليا ماهيش عارفة
.
القلب خالفني وحب كتير
من جرح رماني لمليون جرح
وقابلت كتير مالهمش ضمير
وكتير بيخونوا العيش والملح
.
والقلب الطيب زي زمان
لساه مش عاوز يتغير
عديت ف السن لخمسين عام
والقلب اللي ف صدري صغير
.
مش عارف ليه انا لسه بريء
باتعامل ليه علي نياتي
من بين المليون الف صديق
مالقيتش صديق زي حالاتي
.....
أ2021/9/2