واد يا اسمراني

 
 
قلم_الشريف أحمد
واد يا اسمرانى اللون بيكرهونى فيك
وأنا كل ما يكرهونى يزيد غرامى ليك
ويقولو عليك ما يقولوا أعمل نفسى موش سامع
والليل ونهاره وطوله بيقلب بى المواجع
والاقى طيفك قُصادى يحذرنى من حُسادى
وافضل عليك انادى وادعى لك الله يحميك
علشانك ياما اتحمل وهجرت أهلى و حياتى
ومن غيرك صعب أكمل وبناقص والله حياتى
حبك عليا مهوّن أيامى اللى بتتلون
ويوماتى أكتب و أدوّن وده كله فى سحر عينيك
انا فيك دائما سارح وعوازلك يقولو مالى
واسمع كلامهم جارح كان حبك شر أعمالى
وامشي اصطنع الضحكة ودموعى تبل السكة
وانا حالي ياما ما بكّى الورد والشجر حواليك
ياواد يا اسمرانى اللون بيكرهونى فيك
وأنا كل ما يكرهونى يزيد غرامى ليك