نفسي ارجع عيل صغير
بقلم الشاعر والكاتب:محمود ياسر.
كل همي اصحا من النوم
واشغل التلفزيون او افتح كارتون
واستنا توم وجيري بالساعات
بجد نفسي ارجع لوقت فات
في وقت كانت الضحكة صافية
في وقت فيه كانت كل القلوب دافية
واصحا الصبح عشان اروح المدرسة
واعمل نفسي عيان
مالك ياحبيبي : مفيش ياماما
بطني وجعاني وتعبان
واجري عشان اكمل نوم
كبرنا بدري وكل يوم
بتزيد الهموم
ايه يا امي نفسي اضحك ضحكة من بتوع زمان
فاكرة دايما اللبس اللي مش كان بيعجبني
وتندهي ابويا يضربني
استعبط واستهبل عشان تيجو تصلحوني
منا بعمل كده عشان تيجو بعديها تحضنوني
وتفضلو تنصحوني وتلومني لاني غلطان
بس في الوقت اللي انا فيه دلوقتي
كلامكو كان صح وبجد ندمان
فاكر ياصاحبي اول يوم
اتعرفنا علي بعض
طب فاكر عسكر وحرامية
اما كنت الظابط ومع ذلك
اول ما تمسكوني تضربو فيا
طب فاكر الصحيان بدري
فاكر فول عمك أدري
فاكر الجري من الحصة والمدرسين
كل ده عدا واحنا مش حاسين
وحشني العب في حارتنا
وسنين فاتت مبقتش بتاعتنا
ادركت الان ان حياتنا كلها فترات
لكن بجد نفسي ارجع للي فات
بالرغم ان كل شئ بيتغير
نفسي ارجع عيل صغير!
.jpg)
